Jasokundeko Santa Maria basilika

Euskal Herriko Berant Gotikoko adibiderik ederrenetakoa da. XV.mendean eraiki zen, aurretik bertan zegoen XIII. mendeko tenplu erromanikoaren gainean.

Eraikinak hiru nabe ditu, eta haiek errematatuz girola bat. Oso deigarria da arbotanteek eta kontrahormek osatutako multzoa. Azken horiek eder apaindutako pinakuluek errematatzen dituzte.

Basilika maila duen tenpluaren barrualdetik azpimarragarriak dira kaperak, berau korritzen duen triforio apaindua eta Juan Garcia de Crisal maisuak egindako erretaula gotiko-flamenko bikaina. Erretaurala horren lanketa 1516. urtearen inguruan amiatu zen, ziurrenez.Urrez bainatutako erretaula polikromatu hori Estatuko hirugarren handiena da, estilo horren barruan, Sevillakoaren eta Toledokoaren ostean.